aloneعلى كرسي الاعتراف

رزان انا بقدر اجاوبك عالاسئلة هاي بدنا اسئلة نحرجها كتير لألون كتير كتير وسؤالي الاول هو :
من هو اكتر شخص غير اختك بتعزي بالمنتدى ؟
شو رايك بكل من: نضال
رزان
صبية
اختك
كرومة
ولو معك بس مساعدة وحدة لعدة اشخاص من هؤلاء بتحييهم كلهم لمين بتعطيها ؟
ولسا الحبل عالجرار اليوم بيكفي ؟؟؟؟؟؟؟؟؟؟؟

مبارك يا ألون عالكرسي
سؤالي هو:

" شو حكمتك في الحياة"؟

شو سؤالي اممممم مرة سالتو لنضال
عمرك وقعتي بموقف محرج ئدام شخص مهم بالنسبةالك حتى لو دكتور محاضرة معلمة صديئات يعني اي شي

1)الاسم..........
2)العمر..........
3المدينه...........
4التعليم ...............
5)العمل................
اسمي احلام وعمري 25 سنة . بكالوريوس تربية خاصة من الجامعة الاردنية.

من هو اكتر شخص غير اختك بتعزي بالمنتدى ؟
شو رايك بكل من: نضال
رزان
صبية
اختك
كرومة
ولو معك بس مساعدة وحدة لعدة اشخاص من هؤلاء بتحييهم كلهم لمين بتعطيها ؟
ولسا الحبل عالجرار اليوم بيكفي ؟؟؟؟؟؟؟؟؟؟؟

كل واحد بالمنتدى الو ميزته بس بما انك حددت غير اختي فانا رح اكون منحازة الك ازا بسمحولي الصبايا اكتر واحد بعزه هو نضال والسبب انه العنصر الذكري الوحيد معنا لازم نهتم شوي فيه عشان ما يحس انه مضطهد
بينا.
نضال: كتير بيشرب مي دمه خفيف.
رزان نوارة المنتدى.
صبية: بحب شخصيتها.
اختي ما رح احكي لانه شهادتي فيها مجروحة
كرومة: هادية بس بخاف يكون الهدوء الي بيسبق العاصفة.
ما بعطيها لحد بفضل اني اموت معهم

حكمتي بالحياة : من اجمل معاني التحدي ان تبتسم والدمعة في عينيك

اكيد بنتعرض لكتير مواقف صعب احكيها لاني مو ذاكرتها بس اكيد انتس بتعرفيها

عندي سؤال شو يعني هاي؟؟
اختي ما رح احكي لانه شهادتي فيها مجروحة
احكي معنا عربي لو سمحتي لو ااعد 3 سنين ما بفهم معناها

هيهيهيهيهي
حلوة هاي يا
Pinky girl
واسمحيلي أشرحلك معناها طبعاً بعد اذن
Alone
بتقصد انها لو مدحتك ومدحت صفاتك رح تبين زي الي بمدح بحاله لأنها أختك و ما حدا بحكي عن أخته شي مو منيح
فالقصد من هاي الجملة مديح الك مش ضدك
please alone
اذا شرحتلها غلط زبطيلي وانا بعتذر عن تدخلي

لا مو اشكال مو اني معصبة او زعلانة بس ما فهمت معناها يسلمو كتير على كل حال

مش حكيتلكم بنكي جيرل لسا صغيرة ما تشربي مي كتير يا سوسو ماشي ديري بالك عحالك وعلى الون

هل تؤمنين بالصداقه؟
مآهي , آمنيــتكـ المفضله . .؟؟
شو طموحكـ في الحياة ؟؟
كلمة تودي سماعها كل يوم؟!؟

quote="razan"]هل تؤمنين بالصداقه؟
مآهي , آمنيــتكـ المفضله . .؟؟
شو طموحكـ في الحياة ؟؟
كلمة تودي سماعها كل يوم؟

اكيد بآمن بالصداقة وبعتبرها اساس الحياة والعلاقات الاجتماعية وافضل شي صارلي بحياتي وبحسد حالي عليه صديقاتي.

الله يطول عمر بابا وماما . واعيش انا وصاحباتي بنفس البلد ونضل مع بعض على طول.

اكمل دراسات عليا وانشالله قريبا رح ابدا بالماجستير ادعولي

الله يرضى عليكي ويوفقك.

quote="razan"]هل تؤمنين بالصداقه؟
مآهي , آمنيــتكـ المفضله . .؟؟
شو طموحكـ في الحياة ؟؟
كلمة تودي سماعها كل يوم؟

اكيد بآمن بالصداقة وبعتبرها اساس الحياة والعلاقات الاجتماعية وافضل شي صارلي بحياتي وبحسد حالي عليه صديقاتي.

الله يطول عمر بابا وماما . واعيش انا وصاحباتي بنفس البلد ونضل مع بعض على طول.

اكمل دراسات عليا وانشالله قريبا رح ابدا بالماجستير ادعولي

الله يرضى عليكي ويوفقك.

اكتر شي بخاف منه المستقبل

اههه هلأ دوري ...

شوو موقفك من البنات اللي بيحكوا شات مع ناس ما بيعرفوهم ؟؟
وشوو بتساوي اذا لقيتي وحدة من خواتك بتعمل هيك ؟؟

اسف على السؤال المحرج بس انتي قدها وقدود ...

وشووو اكتر اشي بتحبي بعملك ؟؟
وشوو طبيعتوا لعملك اصلا ؟؟
وشوو اكتر حالة بتحبيها ؟؟
وكيف بتحسي معاملة الاهل لابنائهم المعااقين ؟؟

الله يعطيكي اجر العناية فيهم

شوو موقفك من البنات اللي بيحكوا شات مع ناس ما بيعرفوهم ؟؟
بعتبرها حرية شخصية بس ازا كان الحكي بحدود

وشوو بتساوي اذا لقيتي وحدة من خواتك بتعمل هيك ؟؟
بنصحها بس كمان هادي حرية


اسف على السؤال المحرج بس انتي قدها وقدود ...

وشووو اكتر اشي بتحبي بعملك ؟؟
انه مع المعاقين

وشوو طبيعتوا لعملك اصلا ؟؟
تشخيص حالات التوحد

وشوو اكتر حالة بتحبيها ؟؟
المنغولية - الصم

وكيف بتحسي معاملة الاهل لابنائهم المعااقين ؟؟
هاد موضوع كتير كبير صعب اوضحه على المنتدى. بس ما في هالاهتمام الكبير منهم

سؤالي؟
ليش انتي دايما بتحكيلنا عن شاياء غامضة وانا حكيت معك من قبل هالموضوع وما وضحتيلي ؟؟؟

طييب فهمت عليكي ؟؟
طيب انتي بتحسي اتنو هالاشي غلط ؟؟
ولما البنت بدها تحكي عادي قدام اهلها واللا من وراهم ؟؟
وشوو بتتوقعي ردة الاهل لما يعرفوا انو بنتهم تكتب شات ؟؟

زووووودتها بس جاووبيني بلييييييييييييييز

[quote="نضال محمد ديب"]سؤالي؟
ليش انتي دايما بتحكيلنا عن شاياء غامضة وانا حكيت معك من قبل هالموضوع وما وضحتيلي ؟؟؟



انا ما بحكي اشياء غامضة كلامي واضح كتير بس الشاطر الي بيفهمه.
واعطيني امثلة على الكلام الي انت بتعتبره غامض عشان افهمك ياه

[quote="زهرة النرجس"][color=red][i][b]

ولو كان الحكي مو بحدود ؟

اكيد انا ضده لانه نتيجته رح تكون اشياء اكبر من مجرد الحكي على النت

برأيك انو اهم المضي ولا الحاضر؟؟؟وليش؟

التنيني مهمين لانه الحاضر مع الايام رح يصير ماضي.
الماضي مهم لانه بفيدنا انا رح نتعلم منه بمستقبلنا وحاضرنا.
والحاضر مهم لانه ممكن نعمل اشياء كنا نتمنى نعملها بالماضي

صححح معك حق يااا الووني ؟؟

طيب انتي مين احب اخ واخت عندك وهم اصلا كم واحد ؟؟

انتي اكبرهم واللا في اللي اكبر منك ؟؟؟

وشوووو كمان ياربيي خلص بس اليوم هدوول ..

[quote="صبية قوية"]صححح معك حق يااا الووني ؟؟
رح اجاوبك على اسئلتك
طيب انتي مين احب اخ واخت عندك وهم اصلا كم واحد ؟؟
بحب اخواني المتزوجين البنات والشباب لانهم بعاد عني
وبحب اخواني الي مو متزوجين لانهم اصغر مني
ويا ست صبية صعب يكون في تمييز بحبك لاخوانك وهاد ببان لما يبعدو عنك

انتي اكبرهم واللا في اللي اكبر منك ؟؟؟
ب[color=black]الوقت الحالي انا الكبيرة لانه الي اكبر مني متزوجين

وشوووو كمان ياربيي خلص بس اليوم هدوول
خدي راحتك باسئلتك وما تخجلي من اي سؤال بدك يياه

مماشي بس ما قووولتيلي بسم الله ما شاء الله كم واحد انتووا ..

على ما اظن انها بنكي جيرل حكتلك بس كمان رح احكيلك انا احنا 5 بنات و3 شباب

اه والله مووو متذكرة الله يارب يخليكوا لبعض ويبارك فيكو ...

شكرا الك كتير

مرحبا انا دخلت اليوم لانه بنكي جيرل حكتلي انك باعته اسئلة وحبيت بس اجاوبك عليها لحتى ما تفكري انه فيها شي محرج.
اهتمامي بذوي الاحتياجات الخاصة جاي اول شي من طبيعة تخصصي وتاني شي انهم فئة رائعة جدا لما تتعاملي معهم وهم بحاجة لانا نوجه الناس لانهم يتعاملو معهم على انهم بشر اولا وبعدين انهم معاقين لانه
اعاقتهم مو نهاية الحياة
.
اكيد الزرقاء لاني انولدت وعايشة فيها كل عمري. وممكن عمان لانه صاحباتي عايشين فيها

ما عمري زرت فلسطين بس بتمنى ازورها في يوم من الايام.

بحب الشيشبرك كتير. وطبعا انا ما في شي ما باكله بس هاد هو المفضل عندي. اما العصير بفضل عصير الجوافة

.

طيب بما انو هاد كرسي الاعتراف ولازم تجاوبي على الاسئلة
انا بدي اعرف مين العضو اللي ضايقك او حسيتي انو متضايق من وجودك عشان هيك كنت ناوية تتركي المنتدى؟

مفهوم السعادة شو عند الون؟
مع الشكر

Sun Shine كتب:

طيب بما انو هاد كرسي الاعتراف ولازم تجاوبي على الاسئلة
انا بدي اعرف مين العضو اللي ضايقك او حسيتي انو متضايق من وجودك عشان هيك كنت ناوية تتركي المنتدى؟

بعرف انو هاد كرسي الاعتراف بس معلش اني ما حقدر اجاوبك على سؤالك لحتى ما اجرح هاد العضو او ادايقه

[quote="صمت الريح"]مفهوم السعادة شو عند الون؟
مع الشكر



والله سؤال صعب: لانه السعادة مو شي ممكن نوصفه بكلام هو لحظات بتمر على الانسان بحس انه كل الدنيا بتضحك معه او بتبكي معه ولما يحس انه كل الناس معه وبتحس فيه

شكرا الك انشالله مو بس بنزورها وبنرجعلها نعيش فيها احنا وكل الفلسطينية الي عايشين براها