كرسى الاعتراف مع صبية قوية

السلام عليكم
كيفكو يا جماعة ؟
رح نبدأ كرسى الاعتراف اليوم مع وردة المنتدى// صبية قوية

بتمنى من الجميع عدم طرح اسئلة محرجة على صبية قوية
ورح اطلب من صبية طلب وهو انو// تختار تلاتة اسماء ما كانو ضيوف على كرسى الاعتراف من قبل
علشان احط اسمائهم بموضوع ونبدأ تصويت الهم اوكى

كرومة كتب:: السلام عليكم
كيفكو يا جماعة ؟
رح نبدأ كرسى الاعتراف اليوم مع وردة المنتدى// صبية قوية

بتمنى من الجميع عدم طرح اسئلة محرجة على صبية قوية
ورح اطلب من صبية طلب وهو انو// تختار تلاتة اسماء ما كانو ضيوف على كرسى الاعتراف من قبل
علشان احط اسمائهم بموضوع ونبدأ تصويت الهم اوكى

ههه شكرا الك وقعت وماحده سما علي اول اشي شكرا للي صوتوا ومتل ما قالت كروومة من دون اسئلة محرجه ماشي ولا تكتروا علي وشكرا الك كرومة موو انا وردة المنتدى انت عسل المنتدى تسلمي حبيبتي ..

والاسماء خليني افكر فيهم وبنهاية الاسبوع اعطيكي اياهم ..

أوكى يا صبية قوية
وانا رح ابدأ واسئلك شوية أسئلة على الماشى//
1-انت فى اى مدينة ساكنة بالاردن؟
2-شو هى أكلتك المفضلة؟
2-شو هو العصير المفضل عندك؟
3-شو نفسك تدرسى بالجامعة؟
4-رتبى هاى الاشياء حسب الاولوية بالنسبة الك// (المال - الصحة - العمل - الجب - الاهل)
5-شو هى اكتر مدينة بتحبى تزوريها من الاردن عير مدينتك؟
6-اكتبى اكتر تلاتة أعضاء بتحسيهم قريبين منك؟
بكفى هدول منشان اليوم بكرة بنكمل انشاء الله اوكى

1-انت فى اى مدينة ساكنة بالاردن؟
باربد بالحصن بالتحديد
2-شو هى أكلتك المفضلة؟
ما في اشي محدد بس بحب الموالح
2-شو هو العصير المفضل عندك؟
عصير البرتقال والجوافة
3-شو نفسك تدرسى بالجامعة؟
لحد الان متقلبة الافكار كل سنة بطلع باشي جديد دكتورة مهندسة الخ .. بس بالعموم جاي على بالي ادخل قسم غريب مو معروف ورح اضل ادور عليه تني اكبر..
4-رتبى هاى الاشياء حسب الاولوية بالنسبة الك// (المال - الصحة - العمل - الجب - الاهل)
الاهل ., الصحة ., العمل ., الحب ., المال
5-شو هى اكتر مدينة بتحبى تزوريها من الاردن عير مدينتك؟
البتـــــــــــــرا
6-اكتبى اكتر تلاتة أعضاء بتحسيهم قريبين منك؟
ممكن تعفيني من هالسؤال لانه ماعندي حد محدد طبعا والله العظيم بحب كل الصبايا هون ..

طيب اجا دوري انا الي زمان عمن بستنا فيك لو معك وردة لمين بتهديها ؟
اذا خيروكي بين ألون ورزان مين بتختاري؟
وشو اكتر شي موقف ازعجك صار معك بحياتك ؟
وكيف انتي علاقتك بأهلك ؟؟؟؟ مجرد بنت ام صديقة ؟
والجاي اكتر من الي راح

شكرا على اجاباتك يا صبية
وانا رح اعفيكى من سؤال افضل تلاتة أعضاء ولا تزعلى

اسئلتي هلأ
1- شو اكتر اسم بتحبي بنت _ وولد ؟؟
2- شو الصفة اللي بتحبيها وهي مو موجودة فيكي بس بتتمني تكون عندك؟؟
مين اكتر صاحبات بتحبيهم؟؟؟
شو يعني الصداقة بالنسبة الك؟؟
لسا في اسئلة بس مو خاطرة على بالي

--------------------------------------------------------------------------------

طيب اجا دوري انا الي زمان عمن بستنا فيك لو معك وردة لمين بتهديها ؟
لامي ولبابا
اذا خيروكي بين ألون ورزان مين بتختاري؟
هههههه الاتنين بمووت فيهم والاتنين فادوني كتير فما بميز بيناتهم والله لايحرمنا منهم بالمنتدى
وشو اكتر شي موقف ازعجك صار معك بحياتك ؟
رح يسير معي اي رح اترك صاحباتي والارض اللي عشت عليها اربع سنين
وكيف انتي علاقتك بأهلك ؟؟؟؟ مجرد بنت ام صديقة ؟
الاتنين في ماقف بتتطلب اكون بنتهم وفي مواقف لا بس الاغلب صديقة
واهلا بالجـــــــــــــــــــاي ست زعلااااانة

شو اكتر اسم بتحبي بنت _ وولد ؟؟
بحب الاسماء الثلاثية عامة بس بحب اسم قيس و جنى

2- شو الصفة اللي بتحبيها وهي مو موجودة فيكي بس بتتمني تكون عندك؟؟
اني اكون اهدى منهيك

مين اكتر صاحبات بتحبيهم؟؟؟
راما و ريم وساجدة ونورالهدى وزهرة النرجس

شو يعني الصداقة بالنسبة الك؟؟
الحياة وما فيها

وعلى فكرة يا زعلانة انا شفت سؤالك الاول اللي مسحتي

عادي وما تشوفيه بس هلأ عرفت من مين عرفتي كل هالمعلومات اكيد من نور الهدى

مين أكتير شخص بالمنتدى بتتمني يطلع وما يرجع ؟

ومين أكتير شخص بالمنتدى بتثقي في ؟

وبتمنا تردي علا أسالتي يا أعز أصدقائي

اللي يطلع ومايرجع ببالي خليه ...
واللي اثق فيه طبعا صديقاتي وكل المنتدى موثوق فيه ..

وانتي عارفة الاجوبة يا ابخ صديقاتي

طيب هلأ في كمان اسئلة
1- عمرك عملتي شي تندمتي عليه كتير ؟؟؟ وشو هو(ازا ما فيها احراج)
2- كونك صبية قوية من لقبك شو اكتر لحظة ضعفتي فيها بحياتك ؟؟؟؟؟؟
3- مين الشخص (غير اهلك واخوتك) اللي بتتمني يضل معك على طول ؟؟

pinky_girl كتب:: طيب هلأ في كمان اسئلة
1- عمرك عملتي شي تندمتي عليه كتير ؟؟؟ وشو هو(ازا ما فيها احراج)
2- كونك صبية قوية من لقبك شو اكتر لحظة ضعفتي فيها بحياتك ؟؟؟؟؟؟
3- مين الشخص (غير اهلك واخوتك) اللي بتتمني يضل معك على طول ؟؟

والله اكيد مادام مافي حد بغلط والشغلة مافيها احراج بس انا مو متزكرة موقف بحد ذاته .

هو اسمي صبية قوية ومعروف ما حد بيقدر علي بس مو خارقة كتير في لحظات بضعف فيها خصوصا لحظات الودااع ..

صاحباااتي طبعا يارب يتحقق الحلم ..

أنا رح اسئلك شوية اسئلة يا صبية قوية//
بحكم معرفتك البسيطة لالى شو رأيك فيا (وبصراحة لو سمحتى)؟
مين بتحبى اكتر امك ولا ابوك؟م تحكى الاتنيني اذا فى حد اغلى احكى؟
اوصفى باحتصار الاعضاء هدول//
رزان:
الون:
بنكى جيرل:
زهرة النرجس:
نور الهدى:
بس خلاص

مررررررررررحبا
كيفك يا أحلى صبية؟؟
حابة أسئلك كم سؤال
أولا: شو هي حكمتك في الحياة؟؟
تانيا: شو بتعنيلك فلسطين؟؟
وبتمنى انو تكون أسئلتي خفيفة دم
و بااااااااااي

$-=\$

مرحبا يا احلى صبية
انا ما رح اسئل كتير بس اسئلتي هي:
1- من وين بتعرفي مسيو نضال وكل هاديس المعلومات عنه
0 طبعا ازا حضرته سمحلي اسأل؟
2- شو هدفك بالحياة؟
3- شو حلمك الي بتتوقعي انه صعب يتحقق

وانا كمان بدي أسئلك كم شي
شو الاشي اللي مستحيل تتطلعي من البيت بدونه؟
مين اقرب شخص على قلبك؟ خارج نطاق العائلة ولازم شخص واحد
شو اكتر شي بتحسي غلط ويستحيل تعمليه؟
اديش معدّلك بالمدرسة؟

وبكفي لهلء

اوكي اجى دوري

ممكن تقابلي حدا من النت ؟
شو بتعنيلك فتح العاصفة ؟
و شو رأيك بالقسام و حماس
قبل هيك حبيتي
؟
شو اكتر مدينة نفسيك تزوريها
؟
ممكن تدرسي برا الأردن
و شو رأيك بالصبايا الي بدرسوا بعيد عن أهلهم ؟

كرومة كتب:: أنا رح اسئلك شوية اسئلة يا صبية قوية//
بحكم معرفتك البسيطة لالى شو رأيك فيا (وبصراحة لو سمحتى)؟
مين بتحبى اكتر امك ولا ابوك؟م تحكى الاتنيني اذا فى حد اغلى احكى؟
اوصفى باحتصار الاعضاء هدول//
رزان:
الون:
بنكى جيرل:
زهرة النرجس:
نور الهدى:
بس خلاص

اا

الجواب الاول : هو انه وبصراحة رايي فيكي ممتاز الى درجة ما بتتصوريها وعن جد انت بنت مؤدبة ومجدة في عملك وبتحبي دراستك وشكلك ومن المعرفة البسيطة انك كتير باره بامك الله يخليلك اياها وانشالله اني ابني انا واياكي صداقة من خلال هالمنتدى على شان اتعلم واستفيد منك بعض الاشياء وشكرا حبيبتي كرمرم
الثاني : والله العظيم ما بيقدر الواحد يفرق اذا انت قولتي مين بتحبي اكتر قولي بحهم الاتنين قد الدنيا ومافيها

رزان : طبعا لاتعليق بحبها كتير لانها ما اذت حدا ولا تعدت على حدا رغم انها مدير وبحكيلها كتير اشتقنالك وينك زمان ما بينت واي لف يو هههه بالعربي
الوون : كمان من احلى البنات بالمنتدى وهي كتير استفدت منها وعن جد بقولها لا تغيبي لان المنتدى كلوا بحبك وباختصار انتي شخص كتير بعزو ...
بنووكة :: ههههه اللي زيي كتير بتشبهني وبحها ههه وهي كمان عسووولة ..
زهرة النرجس ونور الهدى توااائمي وبقولهم الله لايفرق بيناتنا وهم اكيد بعرفوا اديش بحبهم وبعشقهم ...
وبسسسسسسسسسسسسسسسس وانشا الله ما زعلت حدا

وانا بس بدي اضيف اشي انا كتير بحب وبعز وحدة بالمنتدى وهي ميس وبقولها الله يوفئك بالامتحانات وكل اللي قاعدين بقدموا امتحانات ..

Mais كتب:: مررررررررررحبا
كيفك يا أحلى صبية؟؟
حابة أسئلك كم سؤال
أولا: شو هي حكمتك في الحياة؟؟
تانيا: شو بتعنيلك فلسطين؟؟
وبتمنى انو تكون أسئلتي خفيفة دم
و بااااااااااي

$-=\$

حكمتي بالحياة :: كتير عندي حكم بس بحب اقول ما في اشي مستحيل ...هه
فلسطين سؤال حلو : فلسطين ما بعرف في مكان واسع الها بقلبي وعماله بوسع فلسطين جواتي وعلى لساني دايما وبقولك ما عشقت ولا رح اعشق وطن زي فلسطين ...اوووووف يا فلسطين

وبصراااااحة اسئلتك كتيير حلو وبسييطة يا بسيط يا جامد انت

alone كتب:: مرحبا يا احلى صبية
انا ما رح اسئل كتير بس اسئلتي هي:
1- من وين بتعرفي مسيو نضال وكل هاديس المعلومات عنه
0 طبعا ازا حضرته سمحلي اسأل؟
2- شو هدفك بالحياة؟
3- شو حلمك الي بتتوقعي انه صعب يتحقق

ييييي علينا وعلى سنينا والله ما بعرف اشي عنو ومابدي اعرف وهالموضوع زهئني ماشي وعن جد انا زهقت ..اوف ومادام هو عرف خلص والموضوع مابدوا كل هلاشي شان تعملولوا هيك ..ز

اهدفي اني اكمل دراستي وارضي ماما وباب

ما في عندي اشي بصراحة صعب يتحقق ....

Sun Shine كتب:: وانا كمان بدي أسئلك كم شي
شو الاشي اللي مستحيل تتطلعي من البيت بدونه؟
مين اقرب شخص على قلبك؟ خارج نطاق العائلة ولازم شخص واحد
شو اكتر شي بتحسي غلط ويستحيل تعمليه؟
اديش معدّلك بالمدرسة؟

وبكفي لهلء

طبعا حجابي لووو بشنئوني ما بطلع من دونه ...صح
طيب اكتر شخص هو زهرة الهدى ههه
اني اتعرف على اي ولد من دون ما اهلي يعلموا حتى ولو بيعرفوا انا كتير ببعد عن شغلة الاولاد هاي لان الزمن موو زمن زمان صح وللا لا وهاد اكتر شي بنصح في اي بنت ....وانشا الله ما حدا يعترض وانا عندي مابتعرف على ولد او اصاحبوا الا اللي بيجي يخطبني ممن اهلي ..
معدلي للسنة كاملة والله لسا ما استمته بس الفصل الاول وقولي ماشالله بالله عليكي هو و 99 وانشالله الفصل هاد يكون زي الفصل الاول ..

بنت حماس كتب:: اوكي اجى دوري

ممكن تقابلي حدا من النت ؟
شو بتعنيلك فتح العاصفة ؟
و شو رأيك بالقسام و حماس
قبل هيك حبيتي
؟
شو اكتر مدينة نفسيك تزوريها
؟
ممكن تدرسي برا الأردن
و شو رأيك بالصبايا الي بدرسوا بعيد عن أهلهم ؟

السؤال الاول :: مستحيل ثم مستحيل وعلى فكرة انا قاعدة بالمنتدى وجريئة لانو ماما معي وكل اشي بسير بحكيلها اياه شان ما اضيع حتى ولو اني عاقلة وفاهمة لازم حد ينصحني ..هه

والله فتح العاصفة موو فاهميتوا وضحيلي السؤال وبعدين بجاوبك هه

بصراحة حماس كفئة فئة ممتازة والله يارب ينصرها وانا من اهلها اهل الدين الاسلامي والقسام اكيد لا تعليق عليه ياريت كل يوم يجي واحد زي القسام بس انا اشي واحد ما بيعجبني وهو اللي بين فتح وحماس وفي موضوع انفتح بالنقاش باللي بسير بيناتهم ..
حبيت ههههه سؤال حلوو لا لساتني عبر الامان ههههه واذا حبيت مارح احكي لحداه
فلسطييييييييييييييييييييييييييييييييييييين اكيد نفسي ازورها وابوس ترابها وارويها بدمي

ممكن ادرس براتها ليش لااا اذا بكون الي احسن ..
بصراحة عادي انوا البنت تدرس بعيد عن اهلها بس لازم يكون عليها عين اهلها لانو البنت من دون نصح واي شخص بالعالم بضيع وبقولك الصحبة السيئة بتضيع اللي عمروا ما ضاع فبنصح كل بنت تدور على الصاحبة اللي تثق فيها وبحسن اخلاقها

على فكرة يا صبية"القلوب عند بعضها"
اممم ما عندي سؤال هلأ بس حبيت أسلم عليكم
سلاااااااااااااام
Wink

صبية قوية فعلا وردة المنتدى انتي ما كان معي الاسبوع الماضي مجال ادخل واسألك
بس الصبايا مش مقصرين بالأسئلة

صبية شكرا لالك كتير انت كنتى ضيفة شرف رائعة
واليوم بينتهى الاسبوع ارجو منك انو تحطى اسماء تلات اعضاءفى رد بهذا الموضوع
علشان اطرح اسمائهم بموضوع ونبدأ بالتصويت لهم

زهــــرة النـرجس و بنـــت حماس و سن شاين

» aloneعلى كرسي الاعتراف
» قوانين قسم كرسي الاعتراف
» كرومة على كرسي الاعتراف