بناااات موضوع جديد

هلاااا
صبايا
كيفكم

اليوم بدي نحكي و نتنافش بمووضع

هلأ كلنا بنعرف
حديث الرسول صلى الله عليه و سلم
)كنتم خير امة اخرجت للناس

تأمرون بالمعروف و تنهون عن المنكر

طيب
هلأ
مين فينا بيعمل هيك
مين فينا
بس يلاقي وحدة بالشارع لابسة ديق
بقولها انو لا و ما بسير و بنصحها

طيب مين فينا بس يلاقي وحدة بالمسجد بتصلي و عندها غلطة بصلاتها بقولها
و بنصحها

ليه بنخاف انو ننصح الناس
ليه النصيحة هالأيام تسمى (الفضيحة )

طيب
و الي ما بتخاف
شو تتوقع الناس ليه بخافوا
؟

يلا بدي ردوووووود يا بنات
لنحل هالمشكلة

شكرا الك بنت حماس
بدك صراحة هلايام مو كل الناس بتتقبل النصيحة وكمان البعض مو بس ما ببيتقبلها لا بيصير يحكي على اللي نصحه وبيطلع متخلف ومتشدد وما الو دخل بالتطور هاد اللي انا بلاحظه عنا عشان هيك المعظم بطل يحكي
بس بالنسبة اذا شفت وحده بالمسجد وصار غلط بصلاتها لازم احكيلها واتوقع انها مادام دخلت االمسجد لتصلي هي عندها وعي بيخليها تتقبل النصيحة وبس!!!

مزبوط بس مو لنظرة الناس احنا رح نترك نصح الناس
احنا رح نكون خير امة بهالشي
و ع بنت بتصلي كان مجرد مثال .. لكن رزان هل بس لو لقيتي الوحدة بتتقبل النصح بتنصحيها غير هيك لا؟
هل بس نبلش نصح و تعليم دين رح نبداه من المسجد و مو من الشارع و الناس و الواقع ؟

بدي ردك
و رد البنات
يلا لنحل هالمشكلة

اكيد ردك منطقي بس انا حكيت عن الواقع الموجود هلأ واكيد انا رح انصحها واعمل اللي علي
ولو كل وحدة فينا بدت تنصح من اللي حوليها رح تنحل المشكلة

انا برأيي انو كلام رزان هو كلام منطقي كتير وخصوصا عنا بالاردن يعني بتلائي البنت ئريبتك وئرابة كتير ئوية بتيجي تنصحيها بشي معين بتطلعي ما الك بالتحضر وانتي بنت عايشة بالعصر الحجري ومو عارف شو كمان انا بصراحة ما بتئبل النقد بكل اشكالو كان سلبي او ايجابي فكيف بدي انتقد او انصح الناس انا ابدا ما رح انصح بنت او شب ما بعرف عنهم اي شي لانو انا بظن انو الاهل والئرايب والاصحاب ممكن يكونوا حسن مني بالنصيحة

طيب و وصية الرسول
و ليه ما تتقبلي النصيحة
يعني لو شي بمحله ممكن تصلحي
و لا لأ ممكن تردي بأسلوب راقي
ليه عم ندافع عن شي احنا بنعمله غلط يا صبايا
ليه ما نفكر بإيجابية شوي

انا معك يا بنت حماس و(الله لا يغير ما بقوم حتى يغيروا ما بأنفسهم)
لازم احنا نتغير لنقدر على التغير وما نفكر انو احنا ما رح نقدر بالعكس الموضوع بإيدينا
واحنا لما نتقبل النصيحة رح نشوف انو الكل ممكن يتقبلها صح؟؟

ما هي هاي يا رزان
انو طلع المشكلة كمان
مو بس بإنو إحنا مو قادرين ننصح
و بنخاف و بنخجل
لا طلع كمان احنا ما بنتقبل النصيحة انا بصراحة بتقبل النصيحة بس احيانا كتير بخجل انو اروح احكي لبنت حاسة انو النقاش لازم ينقلب و نسأل حالنا ليه ما بنتقبل النصيحة
بنكي قيرل ..رحم الله إمرئ اهدى إلي عيوبي
شو رأيك انتي ؟

معك حق بكلامك يا بنت حماس
بس متل ما حكت رزان هاى الايام ما حدا بيتقبل النصيحة بالمرة
مع انو الدين النصيحة بس شو بدنا نعمل بغقليات الناس

و انا كمان معكم على فكرة بس
انو شو لازم يكون الحل
و ازا كنا احنا كمان ما بنتقبل النقض شو لازم يكون الحل
؟؟

الحل انو نصلح حالنا واهلنا وبعدين شوي شوي بنبدا بأصدقائنا وهيك بتتوسع الدائر وبتنحل المشكلة

إن شا الله
لازم هيك

انا مع رزان ماهو يا بنت حماس احنا عنا من هادي الفصيلة انا يلي صح اما الفصيلة التانية هي يلي غلط الكل لازم يناقش الموضوع وزي ما قالت رزان لا يغير الله من قوم حتي يغيرو من انفسهم

» جديد ميس شلش
» موضوع حزين
» مواضيع مختلفة للنقاش(موضوع متجدد)
» إختبار شخصية جديد
» ستايل جديد للمنتدى ..